شوربة الكريمه بالفراخ
المقادير:
*قطع فراخ مسلوقه
*2ملعقة دقيق
*1لتر لبن
*1 كوب شوربه
الطريقه:
*نحط ملعقتين سمنه او زبد علي النار ونحمر فيهم الدقيق لحد
مايبقي لونه دهبي
نحط عليه لتر اللبن ونقلبه فيه لحد ما يبدأ يتقل
نحط بعد كده الملح والفلفل والشوربه ونقلب ونحط الفراخ ونقلب
علي النار لحد
ماتاخد القوام اللي احنا عايزينه
ونغرفها ف اطباق الغرف ونزينها بالبقدونس
شوربة الكريمه بالمشروم
المقادير
نفس المقادير باستبدال الفراخ بثمرتين مشروم او علبة مشروم كبيره
الطريقه:
نحمر المشروم ف ملعقه سمن لحد لونه مايبدأ يتغير
ونفس الخطوات بس نضيف المشروم علي الكريمه بدل الفراخ
وبالهنا والشفا
